ଟାଙ୍ଗୀ : ନଦୀ ନିକଟରୁ ଗଳିତ ମୃତଦେହ ଉଦ୍ଧାର । ଖୋର୍ଦ୍ଧା ଜିଲ୍ଲାର ବାଲୁଗାଁ ଥାନା ଅଧିନସ୍ଥ ଲମ୍ବୋଦରପୁର ଗାଁ ନିକଟରୁ ମୃତଦେହ ଉଦ୍ଧାର ହୋଇଛି ।
ସୂଚନାଯୋଗ୍ୟ ଯେ, ଖୋର୍ଦ୍ଧା ଜିଲ୍ଲାର ବାଲୁଗାଁ ଥାନା ଅଧିନସ୍ଥ ଲମ୍ବୋଦରପୁର ଗାଁର ଗାଈ ପଡ଼ିଆ ନଦୀ ନିକଟରେ ମୃତଦେହ ପଡିଥିବା ଜଣାପଡିଥିଲା । ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଉଦ୍ଧାର ହୋଇଥିବା ଏହି ଗଳିତ ମୃତଦେହ ଜଣେ ମହିଳାଙ୍କର ବୋଲି ଜଣାପଡିଛି । ସେ ହେଉଛନ୍ତି ଲମ୍ବୋଦରପୁର ଗାଁର ବାସନ୍ତୀ ସିଂ । ଆଜକୁ ପ୍ରାୟ ସପ୍ତାହେ ହେଲା ବାସନ୍ତୀ ସିଂ ନିଖୋଜ ଥିବା ତାଙ୍କ ଆତ୍ମୀୟସ୍ୱଜନ ସୂଚନା ଦେବା ସହିତ ମୃତଦେହକୁ ଚିହ୍ନଟ କରିଛନ୍ତି । ମୃତ୍ୟୁର କାରଣ ଅସ୍ପଷ୍ଟ ଥିବାବେଳେ ମୃତ ମହିଳା ଜଣଙ୍କ ଜଣେ ମାନସିକ ବିକାରଗ୍ରସ୍ତ ବୋଲି ସାଧାରଣରେ ଆଲୋଚନା ହେଉଛି ।
